Este indicador obtense determinando a porcentaxe que supoñen os fondos líquidos (diñeiro dispoñible en caixa e bancos, así como outros investimentos financeiros temporais cun alto grao de liquidez) con relación ás obrigas presupostarias e extrapresupostarias pendentes de pagamento (minoradas polo volume de pagamentos pendentes de aplicación).

Reflicte a porcentaxe de débedas presupostarias e extrapresupostarias que poden atenderse coa liquidez inmediatamente dispoñible. Canto maior sexa esta porcentaxe, menor é o risco financeiro da Entidade, se ben un valor excesivo revelará un excedente de liquidez que haberá que colocar.